咖啡情人

啡怪客 筆

我鍾意咖啡, 我當佢係我嘅“情人”。

我喜歡呢個情人就因為佢係“千變萬化” 而且可以睇現到有時“甘”, 有時“苦” 有時“酸”, 有時“香”, 有時濃”, 有時“清淡”。

亦可以嗒真啲, 會回味無窮, 會含義深遠更加會有時不知所謂。

當然呢個情人, 有時你會覺得佢撫媚, 有時佢會濃妝豔抹, 有時會薄施脂粉, 有時會令你開心, 有時令你神魂顛倒, 但有時會玩下花款令你難捨難離。

但總括嚟講都會讓你偷得浮生半日閑。

 而最好嘅就係, 你唔需要付出好大代價, 亦唔會有什麼後遺症, 亦都無需要負什麼責任。

最重要老婆絕對唔會因為呢個產生妒忌或者誤會, 有時佢仲好樂意咁極力介紹啲有品味嘅情人畀我。😘😘😘

怪傑手筆